08:10 21 августа 2013 г.
Раççей Федерацийĕн Общество палатин секретарĕ Е.Велихов Федерацин 2008 çулхи июнь уйăхĕн 10-мĕшĕнчи «Ирĕксĕрлесе тытса тăракан вырăнта çыннăн прависене хÿтĕлес тата ăна пулăшас тĕллевпе общество тĕрĕслевне йĕркелесси çинчен» ФЗ-76 номерлĕ саккунĕпе килĕшÿллĕн 2013 çулхи август уйăхĕн 16-мĕшĕнчен Чăваш Республикин общество сăнав комиссине кандидатурăсем сĕнме тытăннине пĕлтернĕ.
Е.Велихов çавăн пекех Чăваш Енри общество пĕрлешĕвĕсене общество сăнав комиссине кандидатурăсем сĕнесси мĕнле пынипе паллаштарсах тăма, октябрĕн 15-мĕшĕччен çÿлте асăннă саккунпа пăхнă документсене çитерме ыйтнă. Тĕплĕ информацие http://www.oprf.ru адреспа тупма пулать. Ыйтса пĕлмелли телефон: 8(495)221-83-63, хушма номер 2043.
Сăнав комиссийĕн ĕçĕ-хĕлĕ питĕ пĕлтерĕшлĕ - вăл çын прависене хÿтĕлес тĕлĕшпе курăмлă ĕçсем туса ирттерĕ. Уйрăм çынсене пулăшу парасси те чи юлашки ыйтусенчен пĕри пулмĕ. Çÿлерех асăннă телефон номерĕпе пурте çыхăнăва тухма пултараççĕ.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики