Новости » Хир пушанать - пÿлме тулать

08:19 14 августа 2013 г.

Райадминистрацин ял хуçалăхĕпе çĕр хутшăнăвĕсен пайĕнчен пĕлтернĕ тăрăх, августăн 12-мĕшĕ тĕлне пур категориллĕ ял хуçалăх предприятийĕсенче тĕш тырă тата пăрçа йышши культурăсене 7017 гектар çинчен çапса тĕшĕлесе илнĕ, çакă пурнăçламалли ĕçсен 45,4 проценчĕпе танлашать. Пĕр гектартан илекен тухăç - 18,4 центнер. Пĕтĕмпе вара пÿлмене 12936 тонна тырă кĕнĕ. Вырма ĕçне тырă выракан 40 комбайн хутшăнать. «Ямуков Г.Н.» хресчен (фермер) хуçалăхĕнче çĕр улми кăларас ĕç пырать. Асăннă кун тĕлне кунта 87 гектар çинчен 1626 тонна «иккĕмĕш çăкăра» пухса кĕртнĕ. Кĕрхи культурăсене акма çĕр хатĕрлеççĕ. Çак ĕçе 2290 гектар çинче пурнăçланă.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики