Новости » Урам уявĕ

08:18 14 августа 2013 г.

Пысăк Енккассинчи Григорий Осипов ячĕпе хисепленсе тăракан урам пысăках мар - 20 киле яхăн. Çак урамра пурăнакансем хăйсен урамне ялти тĕп трассăпа çыхăнтаракан çула юсанă. Хăйсен вăйĕпе вĕсем кирлĕ материалсем кÿрсе килнĕ, çула якатнă. Çак ĕçре тăрăшнă ял çыннисем, ватти-вĕтти таранчченех, Осипов урамĕн уявне пуçтарăнчĕç. Уяв А.Федорова çырнă «Еник» сăвăран пуçланчĕ. Кунта пухăннисене Пысăк Енккасси ял тăрăхĕн пуçлăхĕ А.Васильев, çак ял тăрăхĕн 2 округри депутачĕ Н.Никонорова саламларĕç. Г.Осиповăн кÿршисем И.Гурьева, З.Николаева, Т.Андронникова, А.Федорова хăйсен ентешĕ çинчен нумай ăшă сăмахсем каларĕç. Культура çурчĕн директорĕ Н.Гаврилов йĕркеленипе уяв концерчĕ те иртрĕ.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики