08:23 10 августа 2013 г.
Августăн 8-мĕшĕнче Раççей Федерацийĕн Чăваш Республикинчи Патшалăх ветеринари службин ĕçченĕсен семинар-канашлăвĕ иртнĕ.
Мероприятие хутшăнакансене район админстрацийĕн пуçлăхĕ К.Никитин, Выльăх-чĕрлĕх чирĕсемпе кĕрешекен Вăрмарти станцийĕн начальникĕ В.Александров кĕтсе илнĕ. Константин Владимирович районăн экономикипе социаллă пурнăç аталанăвĕпе паллаштарнă май çак тĕлĕшпе палăртнă вăхăтра ÿсĕмсем пулнине каланă.
Çакăн хыççăн семинар ĕçне хутшăнакансем районти ветеринари службин ĕçĕ-хĕлĕпе паллашнă. «Урмарская» ăратлă кайăк-кĕшĕк фабрики» акционерлă уçă обществăна çитсе курнă, пур енлĕ ĕçсемпе паллашнă май витаминлă курăк çăнăхĕ туса кăларакан цеха та çитсе курнă. Кунта хуçалăх çитĕнĕвĕсемпе вĕсене общество директорĕ Н.Петров паллаштарнă.
Семинарăн ĕçне те çак хуçалăхрах пĕтĕмлетнĕ. Уйрăммăн илсен тĕп калаçу выльăх-чĕрлĕх курăмĕн пахалăхне тĕрĕслеттересси, выльăх-чĕрлĕхпе кайăк-кĕшĕксене фермăсенче хĕл каçарма хатĕрлесси тавра пынă.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики