14:33 07 августа 2013 г.
Çĕршыври 68 регионта «2009-2012 çулсенче сĕт паракан выльăх-чĕрлĕхе ĕрчетесси тата сĕт туса илессине ÿстересси» ятарлă программа ăнăçлă пурнăçланнă. Çак тĕллевпе юлашки виçĕ çулта 38 млрд ытла укçа-тенкĕ уйăрнă, çав шутра федераци бюджетĕнчен – 8,79 млрд тенкĕ. Патшалăх пулăшăвĕ вăйланнă:сăмахран, кăçалтан пĕрремĕш тата пысăкрах сортлă пĕр литр сĕт туса илсе сутнишĕн субсидипе тивĕçтереççĕ. Унсăр пуçне маларах палăртнă пулăшу шайне – 9,5 млрд тенке – тепĕр 3,2 млрд чухлĕ пысăклатнă. Укçа-тенке регионсем тăрăх салатма та ĕлкĕрнĕ. Паллах, паха сĕт туса илекенсемшĕн çакă хавхалантармалли мел шутланать. Çавăн пекех страхлав тÿлевĕн тăкакне саплаштарма та субсиди уйăрнă.
Планпа пăхнă тăрăх 2020 çул тĕлне сĕт туса илесси 6,2 млн тонна чухлĕ ÿсмелле. Урăхла каласан, Раççейре 38,2 миллион тонна сĕт туса илме палăртаççĕ. Ку кăтарту малашне сĕтпе тата сĕт-çу продукчĕпе усă курасси ÿсессе пĕлтерет.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики