14:26 07 августа 2013 г.
Çĕмĕрле районĕнче çуралса ÿснĕ СССР спортăн тава тивĕçлĕ мастерĕ Валерий Ярды велосипедпа чупассипе тĕнче шайĕнчи ăмăртусенче чылай çитĕнÿ тунă: 1970 çулта - тĕнче чемпионатĕнче, 1972 çулта Олимп вăййисенче çĕнтернĕ.
Пурнăçран çамрăклах уйрăлнă паллă спортсмена тăван ялĕнче асра тытаççĕ. Ăна асăнса Пĕренешре 7-мĕш çул ĕнтĕ республикăри уçă чемпионат иртет.
Черетлĕ чупăва Вăрмар, Патăрьел, Çĕнĕ Шупашкар, Сĕнтĕрвăрри, Çĕмĕрле районĕсенчи велосипедçăсем тата республикăри ачасемпе çамрăксен Олимп резервĕсен 7-мĕш спорт шкулĕнче ăсталăха туптакан спортсменсем тупăшнă.
2001 çулта тата каярах çуралнă спортсменсем хушшинче пирĕн районти О.Николаев (Вăрмар поселокĕ) пĕрремĕш, А.Горшков (Кавал) виççĕмĕш вырăнсене тивĕçнĕ. 1999-2000 çулсенче çуралнă хĕрсенчен А.Шавырина (Мăнçырма) пĕрремĕш пулнă. Халĕ вĕсем хăйсен тренерĕсемпе, В.Сидоровпа тата А.Саминовпа, çывăх вăхăтра иртекен ăмăртусене хутшăнаççĕ.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики