09:38 03 августа 2013 г.
Вĕренекенсен чи вăрăм канăвĕ вĕçлениччен уйăха яхăн кăна юлчĕ. Çĕнĕ вĕренÿ çулĕн пуçламăш кунĕ - сентябрĕн 1-мĕшĕ - кăçал вырсарни куна килет. Çавна май Пĕлÿ кунне хăçан паллă тумаллине çирĕплетмелле.
Чăваш Ен Вĕренÿпе çамрăксен политикин министерстви педагогсене, вĕренекенсемпе студентсене, ашшĕ-амăшне ку ыйтăва сÿтсе явма хутшăнмашкăн чĕнет. Кăмăл тăвакансен икĕ сĕнÿрен пĕрне суйласа сасăламалла. Пĕрремĕшĕ - Пĕлÿ кунне сентябрĕн 1-мĕшĕнче паллă тумалла (кану кунне сентябрĕн 7-мĕшне куçармалла). Иккĕмĕшĕ - вĕренекенсен тĕп праçникне сентябрĕн 2-мĕшĕнче уявламалла.
Хăвăрăн шухăшăра асăннă министерствăн сайтне, «Чăваш Ен вĕренĕвĕ» порталта, «Чăваш Республикин çамрăксен порталĕнче», ЧР влаç органĕсен порталĕн тĕп страницинче палăртса çырма пултаратăр.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики