09:36 03 августа 2013 г.
Июлĕн 31-мĕшĕнче Чăваш Ен Пуçлăхĕ М.Игнатьев Мускавра РФ Правительствин Председателĕн çумĕпе О.Голодецпа тĕл пулнă.
М.Игнатьев вице-премьера республикăра ача амăшне тата ачалăха, нумай ачаллă çемьесене, тăлăхсене пулăшмалли социаллă обязательствăсене туллин пурнăçлани çинчен пĕлтернĕ.
Тĕл пулура республикăн клиника онкологи диспансерĕн хирурги корпусĕн строительствин тата ачасен «Вăрманти юмах» санаторийĕн реконструкцийĕн ыйтăвĕсене те сÿтсе явнă. 2009-2010 çулсенче Наци онкологи программине пурнăçласа онкологи службин пурлăхпа техника никĕсне çирĕплетме 715,6 млн тенкĕ уйăрнине, 2011-2012 çулсенче Чăваш Енĕн сывлăх сыхлавне çĕнетмелли программипе килĕшÿллĕн 285,8 млн тенкĕ илнине палăртнă. Çавна май республикăра пĕлтĕр онкологи чирĕсене пула çынсем вилесси 20 процент чакнă, онкологи патологийĕсене малтанах тупса палăртасси 6,5 процент ÿснĕ. Çав вăхăтрах Чăваш Енре çынсем онкологи чирĕсемпе чирлессин ÿсĕмĕ упранса юлать-ха.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики