Новости » Çар десантникĕсем хăйсен кунне уявлаççĕ

08:41 31 июля 2013 г.

Сывлăш-çар десант çарĕсен историйĕ вăрăмах та мар. Чи малтан 1928 çулта самолет çинчен Туркестанри басмачсемпе кĕрешме парашютпа темиçе салтак антарнă. 1930 çулхи августăн 2-мĕшĕнче Мускав çар округĕн Хĕç-пăшаллă сывлăш çарĕн вĕрентĕвĕ вăхăтĕнче Воронеж хули çывăхĕнче десантниксен подразделенийĕ парашютпа сикнĕ. Çакăн хыççăн Çар десанчĕсен кунне уявлама тытăннă. «Эпир мар пулсан - никам та мар», - текен каларăш çак çар ретĕнче тăракан тата тăнисен чи пĕлтерĕшлĕ лозунгĕ пулса тăрать. Ăна пуçарса яраканĕ В.Маргелов генерала асăнса паян кун та ВДВна «Ваççа пиччен çарĕ» («Войска дяди Васи») тесе калаççĕ.

Кĕске вăхăт хушшинче мĕн чухлĕ çар операцисене хутшăнман пулĕ асăннă çар чаçĕсенче хĕсметре тăракансемпе тăнисем. Вĕсем хушшинче пирĕн районтан тухнисем те йышлă. Салтака каякансене «Кураканнисем курĕç, курнисем нихăçан та манмĕç», - теççĕ. Ыррипе кăна, сире!

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики