10:50 27 июля 2013 г.
ЧР Информаци политикипе массăллă коммуникацисен министерствине йĕркеленĕренпе июлĕн 20-мĕшĕнче çулталăк çитнĕ. Шăп çав кун 2012 çулта Çыхăну тата информатизаци патшалăх комитетĕнчен министерство туса хурас ĕç вĕçленнĕ.
Çĕнĕ ведомствăна ЧР Культура министерствин массăллă информаци хатĕрĕсен, издательство тата полиграфи ĕçĕ-хĕлĕн функцийĕсене те панă.
Ведомство пĕр çулталăкра пысăк ĕç пурнăçланă. Чăваш Енре ГЛОНАСС тытăмне ĕçе кĕртессипе çыхăннă нормăпа право никĕсне, республикăн геоинформаци порталĕн платформине хатĕрленĕ.
Чăваш Енри патшалăх служащийĕсемпе бюджет учрежденийĕн ĕçченĕсене электрон цифра çырăнăвĕн 2300 уççине панă, патшалăх тата муниципалитет пулăшу ĕçĕсен 69 тĕсĕпе электрон мелпе усă курма майсем йĕркеленĕ, ведомствăсен хушшинчи электрон çыхăнăвĕн тытăмне туса хурса ĕçе кĕртнĕ.
Универсал электрон карттăн нормăпа право никĕсне хатĕрленĕ, регион тата муниципалитет электрон хушăмсен переченьне çирĕплетнĕ.
ЧР патшалăх влаçĕн пĕтĕм органĕ компьютер техникин пĕтĕм паркне юлашки 6 çулта пуçласа пуянлатса çĕнетнĕ. Июнь уйăхĕн вĕçĕнче Информаци политикин министерстви ЧР Правительствинче видеоконференцисем ирттермешкĕн хальхи йышши аппарат-программа комплексне вырнаçтарнă.
Чăваш Ен наци телерадиокомпанийĕ çĕнĕ МИХ - «Тăван радио» - çирĕплетнĕ. Массăллă информаци хатĕрĕсен социаллă пĕлтерĕшлĕ проекчĕсен республика конкурсĕнче 2013 çулта çĕнтернĕ 41 проекта патшалăх пулăшăвĕ кÿнĕ.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики