Новости » Çуллахи Универсиада вĕçленчĕ

10:56 20 июля 2013 г.

Пĕтĕм тĕнчери студентсен спорт ăмăртăвне 162 çĕршывран 10500 ытла атлет хутшăннă. Пурĕ медальсен 353 комплекчĕ хуçисене «тупнă». Раççей спортсменĕсем пуринчен те ытларах медаль çĕнсе илнĕ: 155 ылтăн, 75 кĕмĕл, 62 бронза. Чăваш Ен хĕрĕсем те пĕтĕмĕшле пухмача хăйсен тÿпине хывни савăнтарать.

Июлĕн 16-мĕшĕ тĕлне пирĕн спортсменкăсем 9 медаль çĕнсе илнĕ тенĕччĕ. Çак кăтарту тек улшăнман. Çапла вара, аса илтеретпĕр - вĕсен шутĕнче 2 ылтăн (И.Юманова тата В.Соколова хăвăрт утакансем), тăватă кĕмĕл (вăрăм дистанцисене чупакан А.Прокопьева виçĕ хут палăрнă тата хăвăрт утакан И.Юманова), виçĕ бронза медаль (ирĕклĕ майпа кĕрешекен Е.Краснова, икĕ хут А.Савельева теннисистка).

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики