15:19 20 июля 2013 г.
Чăваш Республикин информаци политикин министрĕ В.Андреева Мускавра темиçе тĕл пулăва хутшăнса Раççей пичечĕн тата Общество телекуравĕн ертÿлĕхĕсемпе малашне килĕштерсе ĕçлессипе çыхăннă ыйтусене сÿтсе явнă.
Раççей пичечĕн ертÿçин çумĕпе В.Григорьевпа ирттернĕ калаçура регионсенче периодика пичетне сарассине сÿтсе явнă. Çĕршыв субъекчĕсенче хаçат-журнал киоскĕсен, экономика сăлтавĕсене пула кĕç-вĕç хупăнасси патне çитнĕскерсен, шучĕ чакса пырать. Федераци ведомствинче вĕсен социаллă пĕлтерĕшне ăнланаççĕ тата прессăн наци тытăмĕн дистрибуцине сыхласа хăварассишĕн тăрăшаççĕ. Лару-тăрăва шута илсе Раççей пичечĕ хаçат-журнал продукцине сутакан киосксен ĕçне пырса тивекен саккунсене улшăнусем кĕртмешкĕн сĕнÿсем хатĕрленĕ. Çывăх вăхăтрах документа çĕршыв Правительствине ярса параççĕ.
Раççей Общество телекуравĕн ертÿçипе А.Лысенкăпа тĕл пулнă чухне республикăпа федераци каналĕ килĕштерсе ĕçлессин приоритечĕсене палăртнă. Тĕслĕхрен, Раççей Общество телекуравĕн эфирĕнче Чăваш Ен Наци телекуравĕн информаци материалĕсене тата программисене вырнаçтарма калаçса татăлнă.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики