Новости » Лагерьтен çĕнтерÿпе таврăннă

08:21 17 июля 2013 г.

Чăваш Енĕн 20 çамрăкран тăракан команди сывлăха çирĕплетмелли хÿтĕленÿ-спорт «Гвардеец-1» лагерĕнчен таврăннă. Ăна Чулхула облаçĕнчи Новосмолинский поселокĕнче йĕркеленĕ.

Вăрнар, Канаш, Куславкка, Шупашкар, Çĕмĕрле районĕсенчи, тĕп хулари, Çĕнĕ Шупашкарти шкулсенче вĕренекенсем кĕнĕ ушкăна «Патриот» республика общество фончĕн директорĕ В.Константинов тата Вăрмар районĕнчи Пысăк Енккасси шкулĕн ОБЖ вĕрентекенĕ В.Иванов ертсе пынă. Лагере хутшăннисем 20 кунра тĕрлĕ ăмăрту, конкурс витĕр тухнă. Чăваш Ен команди пултарулăх фестивалĕнче чи малти вырăна çĕнсе илнĕ. Вĕренÿпе кану программи хатĕрлессипе пĕрремĕш степень Диплома, çар хатĕрленĕвĕн конкурсĕнче лайăх кăтартусемпе палăрса вара 2-мĕш вырăна тивĕçнĕ.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики