Новости » Çĕнĕ вĕренÿ çулне хатĕрленеççĕ

08:20 17 июля 2013 г.

Кăçал пĕтĕмĕшле пĕлÿ паракан шкулсене модернизацилес енĕпе йышăннă комплекслă мерăсемпе килĕшÿллĕн районти 8 вĕрентÿ учрежденийĕсенче капиталлă юсав ĕçĕсем ирттерме палăртнă. Укçа-тенкĕн ытларахăш пайне çивитти витме, чÿрече рамисене улăштарма, ăшă туалетсем тума, авариллĕ вырăнсене юсама яраççĕ. Халĕ ĕçсем Энĕшпуçĕнчи, Кивĕ Вăрмарти вăтам, Чулкасри, Чупайĕнчи тулли мар вăтам шкулсенче кал-кал пыраççĕ. Тĕп ĕçсене столовăйсенче пурнăçлаççĕ, шыв тата канализаци пăрăхĕсене, электропроводкăсене улăштараççĕ, сăрлас ĕçе пурнăçлаççĕ. Çак ĕçсене пурнăçлама укçа-тенкĕне республика бюджетĕнчен куçараççĕ, столовăйсенчи сĕтел-пукансене юсама тата çĕнни туянма вырăнти бюджетран 700 пин тенкĕ ытларах уйăрма палăртнă.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики