Новости » Ĕç вырăнĕпе тивĕçтереççĕ

14:56 10 июля 2013 г.

14 çултан пуçласа 18 çулчченхи çамрăксене çуллахи вăхăтра ĕçпе тивĕçтерес тĕллевпе районти ĕçпе тивĕçтерекен центр ятарласа программа йĕркеленĕ. Унпа килĕшÿллĕн 265 çын вăхăтлăх ĕç вырăнĕ тупнă. Хальхи вăхăтра çамрăксем «Светлана», «АЛТЭЦЦА», «Вăрмарти çăкăр завочĕ» , «Пурăнмалли çурт-йĕрпе коммуналлă хуçалăха ертсе пыракан компани» тулли мар яваплă обществăсенче, «Урмарская» кайăк-кĕшĕк фабрики» акционерсен уçă обществинче, «Ямуков Г.Н.», «Сапаркин А.Г.» хресчен (фермер) хуçалăхĕсенче, Афанасьев С.И. уйрăм çын предприниматель патĕнче тăрăшаççĕ. Унсăр пуçне шкулсене юсассипе, шкул çумĕнчи участоксенче ĕçлеççĕ. Ял тăрăхĕсенче вара ачасем урамсене тирпей-илем, хăтлăх кĕртессипе активлăх кăтартаççĕ.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики