Новости » Финал иртнĕ

14:57 03 июля 2013 г.

Июлĕн 26-30-мĕшĕсенче Чăваш Енре «Зарница» тата «Орленок» çарпа спорт вăййисен 45-мĕш финалĕ иртрĕ. Çамрăксем Патăрьел районĕнчи Шăнкăртам ял тăрăхĕнчи «Хĕвеллĕ» уçланкăра вăй виçнĕ. Кăçалхи ăмăртăва Тăван çĕршывăн Аслă вăрçине хутшăннă авиаци летчикне Анатолий Буханеца халалланă. Анатолий Григорьевич «Зарницăпа» «Орленок» вăййисене чылай çул ертсе пынă.

«Зарница» ушкăнра Вăрмар район чысне Шăхалĕнчи пĕтĕмĕшле пĕлÿ паракан тĕп шкул, «Орленок» ушкăнра Вăрмарти Г.Е.Егоров ячĕллĕ вăтам шкул командисем хÿтĕленĕ. «Автономлă условисенче пурăнасси» конкурсра Шăхальти шкул команди 2-мĕш вырăн йышăннă. «Снайпера туп» конкурсра та Шăхаль команди çĕнтернĕ.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики