14:55 03 июля 2013 г.
Июнĕн 26-мĕшĕнче Чăваш Ен Пуçлăхĕ М.Игнатьев Пĕтĕм тĕнчери карате конфедерацийĕн хисеплĕ президенчĕпе Фриц Вендландпа тĕл пулнă.
Унта ЧР физкультурăпа спорт тата туризм министрĕн ĕçĕсене туса пыракан А.Яковлев, Шупашкар хула пуçлăхĕ Л.Черкесов, Пĕтĕм тĕнчери карате конфедерацийĕн вице-президенчĕ, республикăри карате федерацийĕн ертÿçи В.Тимофеев хутшăннă. Тĕл пулу вăхăтĕнче вĕсем 2014 çулта Шупашкарта Европа чемпионатне ирттересси çинчен калаçнă. ЧР Пуçлăхĕ М.Игнатьев Чăваш Енре пурăнакан чылай çамрăк физкультурăпа туслине палăртнă. «Каратепе тата самбăпа кăсăкланакан кашни çын спортра палăрать кăна мар, кулленхи пурнăçра та патриот пулса çитĕнет», - тенĕ Михаил Васильевич.
Фриц Вендланд Республика кунне халалланă уяв мероприятийĕсенче пулса чăваш халăхĕн хастарлăхĕпе пултарулăхĕнчен тĕлĕннине каланă.
Юлашкинчен вĕсем Европа чемпионатне ирттерме Чăваш Ен Правительствинче ĕçлĕ ушкăн йĕркелеме йышăннă.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики