08:58 22 июня 2013 г.
Июнĕн 20-21-мĕшĕсенче тĕп хулара Шупашкарта «Раççей регионĕсем - çирĕплĕх шайĕнчен аталану патне» VI экономика форумĕ иртнĕ.
Унăн тĕллевĕ - инфратытăм проекчĕсене пурнăçа кĕртес тĕлĕшпе патшалăх политикине тухăçлă тытса пыма, патшалăхпа харпăрлăхăн пĕр-пĕрин хушшинчи ĕçлĕ çыхăнăвне вăйлатма тата çĕршыв экономикин тĕп отраслĕсене çĕнĕ технологисем хывма витĕм кÿресси.
Форумра Раççейĕн инноваци тата технологи тĕллевĕсене, патшалăхпа уйрăм çыннăн пĕрлехи бизнесне вăй кÿрессипе, пĕчĕк тата вăтам предпринимательлĕхе анлă çул парассипе, банксемпе регионсен хутшăнăвне çирĕплетессипе, финанс-кредитăн сарлака инфратытăмне туса хурассипе тата аталантарассипе çыхăннă ыйтусене сÿтсе явнă.
ЧР Экспорта хÿтĕлекен центрĕ, республикăн экономика аталанăвĕпе суту-илÿ министерстви тата Шупашкар хула администрацийĕ июнĕн 20-мĕшĕнче «Пĕчĕк тата вăтам бизнес. Регионсен Раççей ВТОна кĕнĕ хыççăнхи экспорт пуласлăхĕ» бизнес-саммит ирттернĕ.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики