Новости » Чемпион ятне тивĕçнĕ

09:56 01 июня 2013 г.

СССР икĕ хут Геройĕ космонавт-летчике А.Николаева халалласа наци кĕрешĕвĕ енĕпе республикăра ирттернĕ Раççей чемпионатĕнче Чăваш Енрен, Тутарстанран, Ульяновск, Самар, Мускав облаçĕсенчен 130 кĕрешÿçĕ хутшăннă. Ку чемпионатра пирĕн ентеш - Кĕлкеш ялĕнчи В.Орлов (тренерĕ Л.Уливанов) та хутшăннă. 90 килограмм ытларах виçерисем хушшинче кĕрешсе вăл иккĕмĕш вырăн çĕнсе илнĕ. Çавăн пекех Çĕнĕ Шупашкарта дзюдо енĕпе мала тухассишĕн иртнĕ тупăшура 28 килограмлă виçере А.Кириллова - пĕрремĕш, 80 килограмм ытларах виçере Д.Алексеев - пĕрремĕш, 38 килограмлă виçере Д.Тимофеев - виççĕмĕш, 50 килограмлă виçере Д.Васильев виççĕмĕш вырăнсене çĕнсе илнĕ.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики