Новости » Спорт шкулĕсене - çĕнĕ велосипедсем

09:18 01 июня 2013 г.

РФ велосипед спорчĕн федерацийĕ регионти спорт шкулĕсене техникăпа тивĕçтерессипе йĕркеленĕ конкурса пĕтĕмлетнĕ. Çĕнтерÿçĕсен йышне Чăваш Республики те кĕнĕ.

«Старт» тĕллевлĕ программăна пурнăçласа ирттернĕ конкурса 45 регион хутшăннă, Чăваш Ен вĕсен йышĕнче 16-мĕш вырăн йышăннă. Çывăх вăхăтра республикăна 25 велосипедпа «Газель» маркăллă пĕр автомобиль илсе килĕç. ЧР велоспорт федерацийĕн ертÿçи В.Мулендеев пĕлтернĕ тăрăх - çĕнĕ хатĕрсене Шупашкарти В.Ярды ячĕллĕ Олимп резервĕсен ятарлă 7-мĕш спорт шкулне тата хăш-пĕр района (çав шутра Вăрмар районне те) ăсатĕç. Кăçал регионсенчи федерацисене 50 автомобильпе тата 1000 велосипедпа тивĕçтерме палăртнă.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики