Новости » Черетлĕ ларура – вĕренекенсем

15:33 22 мая 2013 г.

Вăрмарти тĕп библиотекăра Раççей юрисчĕсен ассоциацийĕн «Çул çитмен çамрăксем хушшинче преступленисем тăвассине хирĕç профилактика ĕçĕсем ирттересси», «Çамрăксем хушшинче экстремизма хирĕçлесси», «Терроризмпа кĕрешесси» темăсемпе черетлĕ ларăвĕ иртнĕ. Мероприятие Вăрмарти Г.Егоров ячĕллĕ вăтам шкулта 10 «б» класра вĕренекенсем килнĕ. Район прокурорĕн пулăшуçи К.Исаева преступленисем тăвассине профилактикăлас темăна уçса панă май, ачасене çаратнăшăн, вăрланăшăн, хĕсĕрлесе укçа ыйтнăшăн мĕнлерех явап тытма тивнине, районта çул çитмен ачасем тунă преступленисен статистикипе паллаштарнă. Район прокурорĕн аслă пулăшуçи Ю.Никифоров «Çамрăксем хушшинче экстремизма хирĕçлесси», «Терроризмпа кĕрешесси» темăсемпе тухса калаçнă.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики