10:13 30 апреля 2013 г.
Чăваш Ен Пуçлăхĕн Михаил Игнатьевăн Указĕпе килĕшÿллĕн Чăваш Республикин Общество палатин членĕсене çак çынсене çирĕплетнĕ: Раççей Федерацийĕн Геройне Е.Борисова, Чăваш Республикинчи «Çамрăксен социаллă технологийĕсем» çамрăксен общество организацийĕн членне, психологи ăслăлăхĕсен кандидатне О.Ефимова, «Раççей информацин телеграф агентстви (ИТАР-ТАСС) корреспондентне В.Ивановăна, «Раççей ял хуçалăх банкĕ» акционерсен уçă обществин Чăваш регионĕнчи филиалĕн директорне И.Письменскаяна, Пĕтĕм Раççейри самбо федерацийĕн вице-президентне, ЧР Спорт министерствин «Ачасемпе çамрăксен самбо тата дзюдо енĕпе ĕçлекен олимп резервĕсен шкулĕн» директорне Е.Селиванова, Чăваш Республикин Общество палатин председательне Л.Шимина, пурăнмалли çурт-йĕр харпăрлăхçисен «Аист» юлташлăхĕн председателĕн çумне О.Яшинăна.
Чăваш Енĕн Патшалăх Канашĕн сессийĕнче кăшт маларах рейтинг сасăлавĕн пĕтĕмлетĕвĕпе 8 претендентран республикăн Общество палатин членĕсене Шупашкар хулин «Правопорядок» общество фончĕн председательне А.Дельмана, Чăваш ял хуçалăх академийĕн çĕр йĕркелĕвĕн, кадастр тата почвоведени кафедрин ертÿçине В.Егорова, Вăрнар районĕнчи Калининăри вăтам шкул директорне Т.Ефимовăна, Чăвашрессовпроф председательне А.Коршунова, С.Н.Федоров ячĕллĕ отрасльсен хушшинчи «Куç микрохирургийĕ» наука-техника комплексĕн Шупашкарти филиалĕн директорне Н.Паштаева, Шупашкарти электромеханика колледжĕн директорне А.Судленкова, ЧПУн историпе географи факультечĕн деканне О.Широкова суйланă.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики