10:16 24 апреля 2013 г.
Хальхи вăхăтра «Вконтакте» - Рунетри чи пысăк, Раççейре анлă усă куракан сайт. Куллен 43 миллион ытла çын унта кĕрсе пăхать. Ăна акăлчан, китай, тутар, мари, мăкшă, удмурт, çĕршыври ытти вун-вун халăх чĕлхи çине куçарнă. Халĕ вара вăл чăвашла «калаçма» пуçланă. Куçару ушкăнĕ - «Хавал» общество организацийĕ. Унăн ĕçĕ-хĕлĕпе паллашас тесен «Вконтакте» сайтри регионсен уйрăмĕнчи «чăвашла» пункта суйласа илмелле.
«КонтактРа» сайта чăвашла ĕçлеттерсе яриччен нумай вăхăт иртнĕ. Хальлĕхе вăл халăхра сарăлман-ха, сăнав шайĕнче çеç ĕçлет. Хастарсем палăртнă тăрăх - çитес вăхăтра улшăнусемпе çĕнетÿсем пулĕç. Страницăра (VK.com Căvasla) куçарупа çыхăннă сĕнÿсене, асăрхаттарусене йышăнаççĕ.
Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики