Новости » Карточкăпа укçа перекетленет

09:23 20 апреля 2013 г.

Апрелĕн 1-мĕшĕнчен универсал электрон карточкăн транспорт хушăмĕ вăя кĕчĕ. Халăха çĕнĕлĕхе хăнăхтарас тĕлĕшпе февраль уйăхĕнчех тĕрĕслевсем иртрĕç - çул-йĕрте электрон енчĕкпе укçа тÿлеме май пулчĕ.

Алла УЭК илнисен транспорт хушăмне картăна çыртарма информаципе аналитика медицина центрне (Шупашкарти Калинин урамĕнчи 112 çуртра вырнаçнă) пымалла. Ăна çак кунсенче туянма хатĕрленекенсен чăрманмалла мар - кирлĕ хушăма карточкăна кĕртĕç. Çулталăк пуçланнăран вара УЭК илме 458 çын ыйту çырнă. Хирĕçлекенсем - 10 пин çын. Электрон карточка кăларма республика бюджечĕ 38 млн тенкĕ уйăрнă, вĕсен пысăк пайĕпе кăçалах усă курма палăртаççĕ.

УЭК хуçисем общество транспортĕнче 1 километр çулшăн 30 пус сахалтарах тÿлеççĕ. Хула тата ун çумĕнчи транспорт билет хакĕ 1 тенкĕ йÿнĕрех.

Автономное учреждение Чувашской Республики «Редакция Урмарской районной газеты "Хĕрлĕ ялав" ("Красное знамя") Министерства информационной политики и массовых коммуникаций Чувашской Республики