00:00 16 марта 2013 г.
Вăрмар район администрацийĕн ЗАГС пайĕ пĕлтернĕ тăрăх районта 2 уйăх хушшинче граждансен ыйтăвĕсене пăхса тухассипе 153 акт регистрациленĕ. Çурални çинчен калакан 51 акт йĕркеленĕ, ку вара пĕлтĕрхи çак тапхăртипе танлаштарсан 13 ача ытларах шутланать. 29 арçын ача, 22 хĕр ача çуралнă, 16 çемьере - пĕрремĕш, 12 çемьере - иккĕмĕш, 17 çемьере - виççĕмĕш ачасем, 6 çемьере тăваттăмĕш тата ытларах ачасем çут тĕнчене килнĕ. Мăшăрланакансен çулĕ 25-34 танлашать. Шел пулин те 63 çын çут тĕнчерен уйрăлса кайнă, вĕсенчен 32-шĕ арçынсем, 31-шĕ хĕрарăмсем. Вилнĕ арçынсен вăтам пурнăç тăршшĕ 58 çулпа, хĕрарăмсен - 77 çулпа танлашать.