00:00 20 марта 2013 г.
Мартăн 18-мĕшĕнче Чăваш Ен Пуçлăхĕ Михаил Игнатьев Владимир Николаевич Иванова Чăваш Республикинчи Предпринимательсен прависене хÿтĕлекен уполномоченнăй пулмашкăн шанни çинчен калакан Указа алă пуснă.
М.Игнатьев В.Иванов кандидатурине Чăваш Ен общественноçĕ ырланине пĕлтернĕ. Вăл çавăн пекех регионри Предпринимательсен прависене хÿтĕлекен института предпринимательсен пуçарулăхне хушма пулăшу кÿрес, бизнес аталанăвне тата хушма ĕç вырăнĕсем йĕркелеме чăрмантаракан пулăмсене пĕтерес тĕллевпе туса хунине палăртнă.
В.Иванов М.Игнатьева хăйне шаннăшăн тав тунă. Раççей Президенчĕ çумĕнчи Предпринимательсен прависене хÿтĕлекен уполномоченнăй Б.Титов та ăнăçлă ĕçлемешкĕн ырă суннине каланă. «Бизнеспа ĕçлемешкĕн тупăшлă, меллĕ те хăрушсăр пулмалла - çĕршыв аталанăвĕн çул-йĕрĕ çак самантпа та çыхăнмалла», - тенĕ Владимир Иванов.
ЧР Предпринимательсен прависене хÿтĕлекен института Чăваш Ен Пуçлăхĕн 2013 çулхи февралĕн 13-мĕшĕнчи «Чăваш Республикинче предприниматель ĕç-хĕлне ертсе пымашкăн лайăх условисем туса хумалли мерăсем çинчен» 15-мĕш Указĕпе килĕшÿллĕн йĕркеленĕ.