00:00 20 марта 2013 г.
Вăрмарти Культурăпа кану çуртĕнче йăлана кĕнĕ йĕркепе «Вăрмар пики-2013» конкурс иртнĕ. Конкурсра 4 ял тăрăхĕнчен 4 хĕр хутшăннă. Акă вĕсем: Чупайĕнчи Е.Данилова, Вăрмар поселокĕнчи В.Степанова, Мăнçырмари Л.Сабитова, Кавалти Е.Артюкова. Хĕрсем 5 турта ăмăртнă: «Харпăр хăйпе паллаштарасси», «Интеллектуаллăх», «Пултарулăх конкурсĕ», «Чăваш наци апачĕ», «Чăваш стилĕ». «Вăрмар пики-2013» ята Вăрмар поселокĕнчи Виктория Степанова тивĕçнĕ.