00:00 20 марта 2013 г.
Çĕнĕ Кинчерте Рудольф Петров интернационалист-салтака халалласа 9-мĕш хутчен йĕлтĕр ăмăртăвĕ иртнĕ. Çак ăмăртура республикăри 5 районтан (Вăрмар, Çĕрпÿ, Сĕнтĕрвăрри, Куславкка, Тăвай) тата Хусанпа Шупашкар хулисенчен пухăннă 120 ытла спортсмен хутшăннă. Саламлă сăмахсемпе мероприятире Пинер ял тăрăхĕн пуçлăхĕ В.Шуйский, район администрацийĕн вĕрентÿпе çамрăксен политикин пайĕн пуçлăхĕ Ю.Соколов, район депутачĕсен Пухăвĕн депутачĕ Г.Боредский, Афганистан вăрçин ветеранĕсен Вăрмар районĕнчи уйрăмĕн активлă членĕ В.Александров, шкул директорĕ В.Андреев тухса калаçнă. «Электромонтаж-1» тулли мар яваплă обществăн генеральнăй директорĕ, «Куславккасем» ентешлĕхĕн вице-президенчĕ, 1978 çулта Çĕнĕ Кинчерти шкултан вĕренсе тухнă Ф.Гаврилов шкул администрацине, Пинер ял тăрăхĕн пуçлăхне, спорт мероприятине йĕркеленĕ В.Арманова Тав çырăвĕпе чысланă.