00:00 20 марта 2013 г.
Вăрмар район администрацийĕн пуçлăхĕ К.Никитин ял тăрăхĕсен пуçлăхĕсемпе, федераллă, республикăри, муниципаллă службăсен ертÿçисемпе ирттернĕ эрнесерен иртекен планеркăра çурхи шыв-шур вăхăтĕнче хăрушсăрлăх правилисене пăхăнса ĕçлемеллине палăртнă. Çавна май пурăнмалли çурт-йĕр, предприятисемпе организацисен çурчĕсен çивиттийĕсенчен, поселокри, ялсенчи урамсенчи çул-йĕрсене юртан вăхăтра тасатса тăмаллине каланă. Аслисен çамрăк ăрăва çурхи пăр çине кĕрсе кайма юраманнине асăрхаттармаллине палăртнă.