Новости » Чăваш Енре физкультурăпа спорт хисепре

00:00 20 марта 2013 г.

Чăваш Ен Пуçлăхĕ Михаил Игнатьев Раççей Правительствин Мускавра иртнĕ ларăвне хутшăннă. Кун йĕркинчи пĕрремĕш ыйтупа Раççей Федерацийĕн «Физкультурăпа спорт аталанăвĕ» патшалăх программин проектне сÿтсе явнă. Раççей спорт министрĕ Виталий Мутко тунă тĕп докладра асăннă программăпа килĕшÿллĕн çитес çичĕ çул хушшинче çĕршывра спортпа куллен кăсăкланакан çынсен шутне икĕ хут ÿстерме тĕллев тытнине палăртнă. Ăна пурнăçлас тесе спорт инфратытăмне аталантарма, тренер кадрĕсен хатĕрленĕвĕн пахалăхне ÿстерме, спорт клубĕсен сетьне анлăлатма йышăннă. Виталий Мутко хевтесĕр çынсене спорта хутшăнтарма лайăх условисем туса пама кирли пирки уйрăммăн асăрхаттарнă. Михаил Игнатьев Чăваш Енри физкультурăпа спорт аталанăвĕ çинчен каласа панă.