00:00 27 февраля 2013 г.
Иртнĕ кунсенче Вăрмар район команди ял тăрăхĕнче пурăнакансен Республикăри VI-мĕш хĕллехи спорт вăййисене хутшăннă, вăл Йĕпреç районĕнче иртнĕ. Тĕрлĕ ăмăртусене хутшăннă май Кавал ял тăрăхĕнчи шашистсем - Н.Дмитриев, В.Евгеньев, Т.Алексеева «бронза» илме пултарнă. Начар мар результатсем механизаторсемпе доярсен, йĕлтĕрпе чупакансен, хоккеистсен командисем кăтартнă. Çемье командисем хушшинче Энĕшпуç ял тăрăхĕн пуçлăхĕн çемйи - Людмилăпа Олег Ивановсем тата вĕсен ывăлĕ Владимир старта тухнă - пĕрремĕшсем пулнă. «Илем» ФСК ĕçлеме пуçланăранпа шывра ишекенсем те çитĕнÿ хыççăн çитĕнÿ тăваççĕ. О.Иванов, Л.Чернова, О.Михайлова, Д.Ивановран тăракан команда пурне те хыçа хăварса пĕрремĕш вырăн йышăннă. Çĕнтерÿçĕсене хисеп те чыс - пурте медальсемпе кубоксене тивĕçнĕ.