00:00 16 февраля 2013 г.
«ЧР ял тăрăхĕсенче çурт-йĕре комплекслă майпа компактлă лартас тата вĕсене тирпей-илем кĕртес енĕпе пилот проекта пурнăçласси çинчен» ЧР Президенчĕн Указĕпе килĕшÿллĕн кашни çулах ял тăрăхĕсен инфратытăмне аталантарма ЧР ял хуçалăх министерстви конкурс йĕркелет. Ку хутĕнче республикăри муниципаллă районсенчен 69 ял тăрăхĕ хутшăннă, культура, вĕрентÿ объекчĕсене çĕнетме вĕсенчен 41 ял тăрăхĕн проекчĕсене суйласа илнĕ.
«Чăваш Республикин 2013 тата 2014, 2015 çулĕсенчи республика бюджечĕ çинчен» Чăваш Республикин Саккунĕпе килĕшÿллĕн социокультура объекчĕсене капиталлă юсав ĕçĕсем пурнăçлама 62483,9 пин тенкĕ, çав шутран вĕрентÿ объекĕсем валли - 39762,5 пин тенкĕ, культура объекчĕсем валли - 22721,4 пин тенкĕ уйăрнă.
ЧР ял тăрăхĕсене комплекслă майпа компактлă лартас тата вĕсене тирпей-илем кĕртес енĕпе ирттерекен конкурсăн йĕркипе килĕшÿллĕн социаллă пурнăçпа экономика аталанăвĕн тухăçлăхне палăртакан 23 проекта йышăннă. Вĕсен шутĕнче Кĕлкеш ял тăрăхĕн проекчĕ те пулнă, вăл 80 балл çĕнсе илме пултарнă.
ЧР культура, национальноçсен ĕçĕсен тата архив ĕçĕн, ЧР вĕрентÿпе çамрăксен политикин министерствисем социокультура объекчĕсене капиталлă юсав ĕçĕсем тăвассипе республикăри 11 ял тăрăхĕсен чи лайăх проекчĕсене палăртнă. Çав шутра пирĕн районти Кĕтеснер тата Тикаш ял тăрăхĕсем те кĕнĕ. Кĕтеснер ял тăрăхĕ культура учрежденийĕ, Тикаш ял тăрăхĕ вĕрентÿ объекчĕсене капиталлă юсав ĕçĕсем пурнăçлама укçа-тенкĕ илĕç.