00:00 16 февраля 2013 г.
РФ Пенси фончĕн республикăри уйрăмĕнчен пĕлтернĕ тăрăх - 2013 çулхи январĕн 21-мĕшĕнчен асăннă службăра Skype тÿлевсĕр программăпа усă курса Интернет урлă консультаци илме пулать. Çĕнĕ пулăшупа граждансене ĕç кунĕсенче 13.00-16.00 сехетсенче тивĕçтереççĕ. Специалистсемпе курав мелĕпе çыхăнмашкăн Skype сетьре регистрациленмелле. Компьютера микрофонпа тата веб-камерăпа пуянлатмалла.
Skype программăна хута янă хыççăн менюн çÿлти йĕркинче уçăлнă «Контактсем» списокра «Контакт хушас» тенине суйламалла. Сулахай енчи пĕчĕк чÿречере тухнă «Усă куракана тупмалла» йĕркене «opfr-videopriem» кĕртсе «Тупмалла» тÿмене пусмалла. Аялта, пĕр килнисен тухса тăнă списокĕнче, палăртнă адреса суйласа «Контактсен списокне хушмалла» тÿмене пусмалла - программа чÿречин сулахай пайĕнче контактсен списокĕнче РФ Пенси фончĕн Чăваш Республикинчи уйрăмĕ тени тухать. Шăнкăравламашкăн списокра кирлĕ адреса тупса «Курав шăнкăравĕ» тÿмене пусмалла. Списока адрес хушмасăр та специалистпа çыхăнма май пур.
Курав йышăнăвĕнче граждансем Пенси фончĕн компетенцине кĕрекен мĕн пур ыйтăва - уйрăм çын пирки харпăр хăй кăтартăвĕсене пĕлтермелле маррисене - уçăмлатма пултараççĕ. Енчен те çÿлерех асăннă кăтартусемсĕр вĕсене татса пама май килмест е документсене пăхса тухмалла пулсан çырăва РФ Пенси фончĕн уйрăмĕн сайтĕнче: /http://www. pfrf.ru/ot_chuvash электронлă йышăнăвĕнче хăвармалла.