00:00 06 февраля 2013 г.
Тольяттире карате енĕпе федерацин Атăлçи округĕн чемпионачĕ иртнĕ. Унта Самар, Саратов тата Пенза облаçĕсенчен, Тутарстанпа Чăваш Енрен 264 спортсмен хутшăннă.
Ăмăртура ЧР карате федерацийĕн пĕрлештернĕ команди виççĕмĕш вырăн йышăннă. Чăваш каратисчĕсем 4 ылтăн, 7 кĕмĕл тата 8 бронза медаль çĕнсе илнĕ. Турнирта уйрăмах Вăрмар каччи С.Петров тренер палăрнă: вăл икĕ кĕрешÿре мала тухнă, кумитэре иккĕмĕш пулнă. Çавăн пекех вăл «Техника енĕпе чи лайăх спортсмен» ята тивĕçнĕ.
Мартăн 9-10-мĕшĕсенче Çĕнĕ Шупашкарта иртекен Раççей чемпионатне тата май уйăхĕнче Австралире Мельбурн хулинче пулакан тĕнче ăмăртăвне хутшăнма хатĕрленет.