Новости » Тивĕçе пурнăçламарăн - яваплă

00:00 02 февраля 2013 г.

Райадминистрацин ларусен залĕнче çул çитмен ачасен правине хÿтĕлессипе лару иртнĕ. Кунта районта çул çитмен ачасем преступлени тăвассипе профилактика мероприятисем иртнĕ çул мĕнлерех шайра йĕркелесе пынин ыйтăвĕсене пăхса тухнă. Ларăва райадминистрацин пуçлăхĕн заместителĕ Ю.Соколов ертсе пынă. Асăннă ыйтупа ЧР ШĔМĕн муниципалитетсем хушшинчи «Урмарский» уйрăмĕн начальникĕн заместителĕ А.Софронов, Вăрмар хула тăрăхĕн администрацийĕн пуçлăхĕ С.Егоров, Пысăк Енккассинчи ял тăрăхĕн пуçлăхĕн ĕçĕсене туса пыраканĕ А.Васильев, Кĕтеснер ял тăрăхĕн пуçлăхĕ А.Егоров тухса калаçнă. Лару вăхăтĕнче çавăн пекех Вăрмар хула тата Энĕшпуç ял тăрăхĕсенче административлă право йĕркине пăснă хăш-пĕр пурăнакансем пирки материалсем пăхса тухнă.