00:00 30 января 2013 г.
Раççей Шалти ĕçсен министерствин тата наркотик çаврăнăшне тĕрĕслекен федераци службин пĕрлехи ларăвĕнче питĕ хăрушă цифрăсем çинче чарăнса тăнă. 2012 çулта çĕршывра 85 тонна анратакан хутăш тытса чарнă.
Наркотикпа усă куракансен йышĕ ÿссех пырать. Вĕсене 11-12 çулхи ачасем те тутанма пуçланă.
Çĕршывра 8,5 миллион наркоман пурăнать. Лару-тăру çав тери хăрушă. Раççей çулĕсем тăрăх кăна 100 пине яхăн водитель-наркоман çÿрет.
Наркотикпа сутă тăвакансемпе кĕрешмеççĕ мар. Уголовнăй Кодекса улшăнусем те кĕртеççĕ. 2013 çултан 1 килоран ытларах героинпа е 100 килоран ытларах марихуанăпа тытса чарнă сутуçăсене ĕмĕрлĕхех хупса лартма пултараççĕ.