00:00 30 января 2013 г.
2012-2013 çулсенче выльăх-чĕрлĕхе хĕл каçарма пĕр условнăй пуç шутне 22,4 центнер выльăх апачĕ хатĕрленĕ. Ял хуçалăх предприятийĕсенче выльăх-чĕрлĕх валли утă - 1091, сенаж 1285 тонна уйăрнă. Хутăш апатпа тивĕçтересси 81 процентпа танлашать, вăл 3676 тонна пулнă.
Выльăх апатне фермăсенче хатĕрлеме 4 кормоцех пур. Районти ял хуçалăх организацийĕсенче выльăх-чĕрлĕх витисем 40 шутланаççĕ, çав шутран мăйракаллă шултра выльăх-чĕрлĕх валли - 8, сыснасем валли - 6, кайăк-кĕшĕк валли - 26. Унсăр пуçне районти хресчен (фермер) хуçалăхĕсенче сыснасем ĕрчетмелли пысăк калăпăшлă фермăсем пур.Вĕсем «В.Н.Крылов», «Ю.Б.Федоров» хресчен (фермер) хуçалăхĕсенче. Сĕт туса илессипе «Н.В.Тимофеев», «А.Г.Топтыгин», «А.Ю.Игнатьев» хресчен (фермер) хуçалăхĕсен фермисенче ăнăçлă ĕçлесе пыраççĕ. Ăратлă сурăхсем ĕрчетессипе вара «ВЕХА», «Н.А.Константинов», «Т.Н.Сарапаева», «С.Г.Грачев», «А.С.Чернов» хресчен (фермер) хуçалăхĕсенче, аш-какай туса илессипе «Ю.Г.Иванов» хресчен (фермер) хуçалăхĕнче вăй хураççĕ.