00:00 30 января 2013 г.
Районти тĕп библиотекăра «Сударушка» клубăн «Асамçă хĕлле» литература каçĕ иртнĕ. Кун йĕркинче 2013 çулхи периодика изданийĕсен пĕрремĕш номерĕсемпе паллашасси, «Çуркунне - 2013» ятпа хатĕрленĕ ÿсен-тăрансен каталогне презентацилесси, «Мода тĕнчи» - кăçалхи мода енĕсене сÿтсе явасси пулчĕ. «Сударушка» ларăвăн тĕп тĕшши тĕлĕнмелле çынпа, писательпе Валентина Петровна Пугачевăпа курнăçни пулчĕ. Тĕл пулура пирĕн районти авторсем те - Т.Дорофеева, В.Христофорова, А.Хованский - хутшăннă. Кашниех хăйĕн пултарулăхĕпе паллаштарнă. Мероприятие хутшăнакансем çак кун хăйсене информаци тĕлĕшĕнчен пуянлатнăшăн кăмăллă юлнă, февраль уйăхĕнчи юлашки вырсарни кунччен сыв пуллашнă.