00:00 30 января 2013 г.
Виктор Ефремович Рзай - чăваш писателĕ, пирĕн ентеш, Кавал ялĕнче çуралнă. Январĕн 27-мĕшĕнче В.Рзай çуралнăранпа 107 çул çитрĕ. Вăл сăвăсем, калавсем, повеçсем çырнă. Çавăн пекех куçаруçă та пулнă. «Канаш» хаçат редакцийĕнче, Чăваш писателĕсен Канашĕн правленийĕнче литература консультанчĕ, преподаватель пулса ĕçленĕ. 1934 çултан пуçласа СССР писателĕсен Канашĕн членĕ. Районти тĕп библиотекăра «Кавалтан тухнă çыравçă» кĕнеке куравĕ йĕркеленĕ. Çавăн пекех кунта ентеше халалласа «Виктор Рзай» буклет кăларнă.