Новости » «Хăтлă поселок» конкурс

00:00 26 января 2013 г.

Вăрмар поселокĕнче профессионаллă тата профессионаллă мар фотографсем хушшинче «Хăтлă поселок» конкурс вăй илнĕ. Ăна йĕркелесе ирттерекенĕ - Вăрмар хула тăрăхĕн администрацийĕ. Кирек епле фототехникăпа ÿкернĕ сăн ÿкерчĕксемсĕр пуçне Instagram номинаци те пулать (смартфон урлă тунă, приложени урлă интернета тăратнă сăн ÿкерчĕксем). Конкурс йĕркелÿçисем палăртнă тăрăх унăн тĕп тĕллевĕ - Вăрмар поселокĕн илĕртÿллĕ, хăтлă, хăйне евĕрлĕ сăн-сăпатне тăвасси. Çак сăн-сăпат кунта пурăнакансен ĕмĕчĕсене пурнăçлама пулăштăр, кунта пурăнас килсе тăтăр. Ĕçсене февралĕн 10-мĕшĕччен йышăнаççĕ, конкурса вара февралĕн 14-мĕшĕнче пĕтĕмлетеççĕ. Конкурса хĕлле хула пейзажĕн жанрĕпе ÿкернĕ фотосене тăратмалла. Кашни участник 2 номинацире 10 фото таранччен тăратма пултарать.