Новости » В.Путинăн саламлă çырăвĕ

00:00 16 января 2013 г.

Январĕн 14-мĕшĕнче Кавал ялĕнче пурăнакан Екатерина Никифоровна Кузнецова 90 çул тултарчĕ. Юбилей ячĕпе ăна район администрацийĕн организаципе контроль ĕçĕсен пайĕн начальникĕ Н.Павлов саламланă, РФ Президенчĕн В.Путинăн саламлă çырăвне панă, район администрацийĕн пуçлăхĕ К.Никитин ячĕпе те чысланă. Кавал ял тăрăхĕн пуçлăхĕ Н.Алексеева та Е.Кузнецовăна паллă кун ячĕпе саламланă. Ялти информаципе культура центрĕн пултарулăх коллективĕ юбиляра, хăнасене юрăсемпе савăнтарнă. Екатерина Никифоровна хăйне çакăн пек тимлĕх уйăрнăшăн питĕ хĕпĕртенĕ. Е.Кузнецова Кавалта çуралса ÿснĕ. Аслă Отечественнăй вăрçă çулĕсенче Сталинградри трактор заводĕнче ĕçленĕ. Пĕрре кăна мар вăл грамотăсемпе дипломсене тивĕçнĕ, хурт-хăмăр ăстисен Пĕтĕм Раççейри Конгресне хутшăннă. Екатерина Никифоровнăна «Социализмла ĕç отличникĕ» паллă та панă. Мăшăрĕпе иккĕшĕ вĕсем 6 ача пăхса çитĕнтернĕ, халĕ вара унăн мăнуксемпе кĕçĕн мăнуксем - 11.