00:00 14 января 2013 г.
Февралĕн 21-22-мĕшĕсенче Шупашкарти Николаев урамĕнчи суту-илÿ ярмăрккинче йăлана кĕнĕ «Çĕр улми куравĕ» иртĕ.
Хальхи вăхăтра Раççейри 70 компани курава хутшăнма кăмăл тунă. Германи, Голланди, Америка çĕршывĕсем те пирĕн тăрăха çитес шанăç пур. Хамăр енчен вара çĕр улми туса илессипе палăрнă «Слава картофелю», «Санары» агрофирмăсем, С.Волков, Г.Ямуков (Кĕлкеш ял тăрăхĕ) фермер хуçалăхĕсем тата ыттисем те пулĕç. Сăмах май, пирĕн районти «Г.Н.Ямуков» хресчен (фермер) хуçалăхĕ çĕршер-çĕршер гектар çинче иккĕмĕш çăкăра çитĕнтерчĕ, пĕр гектартан илекен тухăçĕ те районта чи пысăкки пулчĕ. Çавăнпа та куравра вăл хăйĕн продукцине тивĕçлĕ шайра кăтартасса шанатпăр.