00:00 14 января 2013 г.
Чăваш Республикин Пуçăлхĕ Михаил Игнатьев Шупашкар районĕнчи «Чăваш бройлерĕ» обществăра пулнă. Витесене кĕрсе чĕп çитĕнтермелли, çăмарта тутармалли, чăх ашне вакласа суту-илÿ организацийĕсене ăсатма хатĕрлемелли технологисемпе паллашнă.
Чăваш Ен Пуçлăхĕ предприяти кăтартăвне тишкернĕ хыççăн унăн ĕçĕпе хăй кăмăллине пĕлтернĕ. Республикăра пурăнакансен социаллă пурнăçне пырса тивекен ыйтусене уçăмлатнă. Чăваш Ен бюджечĕн саккунĕпе килĕшÿллĕн республика тĕрлĕ категорие кÿрекен мĕн пур пулăшупа кăçал та пĕлтĕрхи пекех усă курĕ.
Республика Пуçлăхĕ 2015 çулхи сентябрĕн 1-мĕшĕ тĕлне кашни ачана садикпе тивĕçтересси пирки пĕлтернĕ. Кăçалтан ашшĕ-амăшĕ виççĕмĕш ачашăн тата усрава илнĕ виççĕмĕш ачашăн 3 çула çитиччен кашни уйăхра республика хыснинчен 5504 тенкĕлĕх пособи илĕ.