00:00 01 января 2013 г.
РФ Пенси фончĕн Чăваш Республикинчи уйрăмĕ пĕлтернĕ тăрăх - 2013 çулхи январь уйăхĕнчи пенсисене банксем Çĕнĕ çулччен параççĕ, почта çыхăну уйрăмĕсен ĕç графикĕ тăрăх январĕн 3-мĕшĕнчен тÿлет.
Çитес уйăхри пенсипе тивĕçтерме Пенси фончĕ банксене декабрĕн 27-мĕшĕнче укçа куçарнă. Икĕ кун иртиччен çав суммăна пенсионерсен счечĕ çине хываççĕ - кредит учрежденийĕн клиенчĕсем пенсисемпе ытти тÿлеве çулталăк вĕçленичченех тивĕçеççĕ. Перекет банкĕн уйрăмĕсене январĕн 3-14-мĕшĕсенче тивĕçтермелли укçа пырса кĕрет, ытти банка - январь уйăхĕшĕн пĕтĕмпех.
Кану кунĕсене шута илсе почта пенсисене çак график тăрăх валеçет:
январĕн 3-мĕшĕнче - январĕн 3 тата 4-мĕшĕсемшĕн;
январĕн 4 тата 5-мĕшĕсенче - январĕн 5, 6 тата 7-мĕшĕсемшĕн;
январĕн 8-мĕшĕнчен - яланхи график тăрăх.