00:00 26 декабря 2012 г.
Раççей Президенчĕ В.Путин кăçалхи июлĕн 28-мĕшĕнче Раççей Правительстви 2019 çулта Шупашкар хули никĕсленнĕренпе - 550, 2020 çулта Чăваш автономи облаçне туса хунăранпа 100 çул çитнине çĕршыв шайĕнче палăртма сĕннине йышăннă, пысăк пĕлтерĕшлĕ юбилейсен уявне ирттермелли Указа алă пуснă.
Раççей премьер-министрĕ Д.Медведев юбилейсен йĕркелÿ комитечĕн йышне çирĕплетнĕ. Ăна РФ культура министрĕ В.Мединский ертсе пырать. Чăваш Республикин Пуçлăхĕ М.Игнатьев унăн çумĕ пулĕ. Йĕркелÿ комитетĕнче 15 çын. Вăл шутра - Раççей Наукăсен академийĕн истори-филологи ăсталăхĕсен уйрăмĕн академи-секретарĕ А.Деревянко, М.В.Ломоносов ячĕллĕ Мускав патшалăх университечĕн ректорĕ В.Садовничий, «РусГидро» АУО правленийĕн председателĕ Е.Дод. Чăваш Енрен йĕркелÿ комитетне М.Игнатьевсăр пуçне Чăваш Республикин Патшалăх Канашĕн спикерне Ю.Попова тата Шупашкар хула пуçлăхне Л. Черкесова кĕртнĕ.