00:00 22 декабря 2012 г.
Чăваш Ен правительстивпе «Шкул лиги» çут ĕç пĕрлешĕвĕ тачă çыхăнса ĕçлесси çинчен килĕшÿ тунă.
Унта Чăваш Республикин экономикине çĕнетме пулăшакан инноваци технологийĕсемпе вĕрентÿ программисене хатĕрлесе пурнăçа кĕртесси, ачасемпе çамрăксене çак ĕçе анлăрах явăçтарасси, çĕнĕлле ĕçлекен педагогсене вĕрентсе хатĕрлесси пирки каланă. Килĕшĕве декабрĕн 17-мĕшĕнче ЧР Правительствин председателĕ И.Моторин тата «Шкул лигин» тĕп директорĕ М.Эпштейн алă пусса çирĕплетнĕ.
Унччен Мускавпа Питĕр хулисенче çеç пĕлнĕ проекта малашне çĕршывĕпех сарасшăн. Çавна май тĕрлĕ тăрăхра пысăк мероприятисем йĕркелесшĕн. Чăваш Ен «Шкул лигипе» ĕçлеме килĕшÿ тунă виççĕмĕш регион шутланать.