00:00 22 декабря 2012 г.
Шупашкарти Ленин район администрацийĕнче «Юр пике – 2013» конкурс иртнĕ. Унта республикăри аслă, вăтам, кĕçĕн вĕрентÿ учрежденийĕсен студенткисем хутшăннă. Мероприяти театрализациленĕ представлени евĕр пулнă, «Каласа пар-ха, Юр пике!» (хĕрсем хăйсене презентаци урлă паллаштарни), «Хĕллехи тупмалли юмах» (ăс-тăна тĕрĕслесси), «Болельщиксен конкурсĕ», «Юмахра - хăнара» конкурссем пулнă. Хĕрсем аудиторипе калаçма, сцена çинче хăйсене тытма пĕлнине, этикет, ăс-тăн, пултарулăх, актер ăсталăхĕ енчен кăтартрĕç. Конкурса пĕтĕмлетнĕ май «Чи çепĕççи» номинацире А.Вострякова (Шупашкарти транспорт тата строительство технологийĕсен техникумĕ), «Чăваш Юр пики» номинацире Н.Федорова (Чăваш Патшалăх ял хуçалăх академийĕ), «Чи пултарулли» номинацире Н.Михайлова (Мускаври патшалăх уçă университечĕн филиалĕ), «Вырăс пики» номинацире А.Вурманчева (Раççей патшалăх социаллă университечĕ) çĕнтернĕ. Шăхаль ялĕнче çуралса ÿснĕ, Шупашкарти электромеханика колледжĕнче вĕренекен Л.Григорьева 3 степеньлĕ диплома тивĕçнĕ. «Юр пике – 2013» конкурс çĕнтерÿçи Шупашкарти экономикăпа технологи колледжĕнче вĕренекен К.Смирнова пулнă.