00:00 19 декабря 2012 г.
Декабрĕн 14-мĕшĕнче Кремльти Патшалăх керменĕнче «2012 çулхи Раççей олимпиецĕсен балĕ» иртнĕ. Ăна яланхиллех Наци Олимп комитечĕ йĕркеленĕ.
Çак чаплă мероприятие пин ытла хăна чĕннĕ. Вĕсем хушшинче пысăк çитĕнÿсем туса палăрнă чемпионсемпе паллă спортсменсем, тренерсем, спорт ветеранĕсем, спорт организацийĕн ертÿçисем, общество ĕçченĕсем. Пирĕн районтан унта Лондонри XXX Олимп вăййисен бронза призерĕ Т.Петрова (Архипова) хутшăннă.
2013 çулхи январĕн 12-мĕшĕнче «Чăваш Енри олимпиецсен балĕ» те пулĕ. Ун умĕн ачасемпе çамрăксен 3-мĕш номерлĕ спорт шкулĕнче ЧР Пуçлăхĕн Кубокне çĕнсе илес енĕпе çăмăл атлетсем хушшинче тупăшу иртĕ.