Новости » Водитель, хăвăртлăха чакар!

00:00 28 ноября 2012 г.

Кăçалхи 10 уйăхра çул-йĕр çинчи хăрушсăрлăха пăхăнман 25 тĕслĕхе регистрациленĕ. Вĕсенче 42 çын аманнă, пĕр çын вара ĕмĕрлĕхех пурнăçран уйрăлнă.Çул-йĕр çинчи транспорт хатĕрĕсемпе çыхăннă инкек ытларах водительсем эрех ĕçнипе пулнă. Ÿсĕм 30 процентпа танлашать. Автотранспорт хатĕрĕсем çуран çÿрекенсем çине пырса кĕнĕ тĕслĕхсем те пур. Кун йышши 5 тĕслĕхе палăртмалла, вĕсенчен пĕр ача çак инкеке лекнĕ. «Энĕш» автоçул хăрушлăх кăларса тăратакан чи йывăр çулсенчен пĕри шутланать. Çак çул çинче çуран çÿрекенсем ытларах автотранспорт вĕсем çине пырса кĕнипе тата автотранспорт хатĕрĕсем пĕр-пĕринпе çапăннипе инкек тÿсеççĕ.