00:00 28 ноября 2012 г.
Федераци шайĕнче ĕçсĕр çынсене ĕçпе тивĕçтерес ятарлă программăна пурнăçласа çулталăк пуçламăшĕнчен районти халăха ĕçпе тивĕçтерекен Патшалăх службин хысна учрежденийĕ 5 çынна ĕçе вырнаçма пулăшнă. Программăпа ĕçлемен инвалидсене, инвалид ачасемпе нумай ачаллă ашшĕ-амăшĕсене пулăшу пама йышăннă. Ĕçлев служби ĕç паракан тĕрлĕ оборудовани илме 50 (инвалидсем валли пулсан), ытти категорисем валли 30 пин тенкĕ уйăрать. Кăçалхи пур вакансие те йышăннă ĕнтĕ. Вĕсен шутĕнче - сутуçă консультант, çĕвĕç, диспетчер, хуралçă, котельнăй операторĕ. Халĕ халăха ĕçпе тивĕçтерекен центрăн специалисчĕсем 2013 çул валли кандидатсене суйлаççĕ.